Ish quroling soz bo‘lsa, mashaqqating oz bo‘lur. Rost-da, ayniqsa, yangi va foydalanish qulay bo‘lgan ish qurolingiz, yanada yaxshi mehnat qilishga motivatsiya beradi. Sariosiyo tuman madaniyat markazida faoliyat yuritguvchi san’at ahli borki, bu kunda o‘zgacha shijoat va g‘ayrat bilan ijod qilishga sho‘ng‘ib ketgan.
Sababi O‘zbekiston Respublikasi Madaniyat Vazirligi tomonidan quyi tizim ya’ni tumanlar, markazlar kesimidagi madaniyat markazlari, xususan, So‘fiyon, Bo‘ston, Sharg‘un shahar madaniyat markazlariga turli xil musiqa cholg‘u asboblari berildi.
– Madaniyat sohasida faoliyat olib boruvchi biz kabi soha vakillariga bo‘layotgan e’tibor, shart-sharoitlar, albatta, madaniyat xodimlarining xursandchiligiga va yanada mas’uliyatli faoliyat olib borishiga xizmat qiladi. Bundan tashqari madaniy-ma’rifiy tadbirlarimizning sifatiga ham o‘z ijobiy ta’sirini ko‘rsatmay qolmaydi, – deydi Sariosiyo tuman madaniyat markazi rahbari O.O‘rinov.
Hilol
