Mental arifmetikaning foydasini, bola ongiga ta’sirini bilgan ota-onalar, albatta, farzandini mental arifmetika bilan shug‘ullanishini ta’minlab kelmoqda. Bugungi kunda bog‘cha-yu maktablarda ham xuddi shunday to‘garaklar tashkil etilgan bo‘lib, malakali mutaxassislar tomonidan puxta bilim va ko‘nikmalar berib kelinmoqda.
Mental arifmetika bo‘yicha turli tanlovlar, olimpiadalarning muntazam ravishda o‘tkazib kelinayotgani esa o‘quvchi-yoshlarning bilim va salohiyatlarini sinovdan o‘tkazishga xizmat qilyapti. Termiz shahrida mental arifmetika ochiq olimpiadasining respublika bosqichi ham ayni sabablarga xizmat qildi. Bilimga chanqoq va iste’dodli yoshlarning o‘zlashtirganlari berilgan topshiriq va vazifalarni zumda bajarishga sabab bo‘ldi.
Jarqo‘rg‘onlik Sardor Bobomurodov tayyorlagan shogirdlarning 6 tasi oliy o‘rin, 29 tasi 1-, 15 tasi 2-, 5 tasi 3-o‘rinni egallagani esa ustozi yuzini yorug‘ qildi va voha faxriga aylanishdi. S.Bobomurodovni esa “Eng kuchli trener” degan nomga sozovor etdi.
Sohibjamol
