MAHALLADAGI “BESHLIK” FAOLIYATI TAHLIL QILINDI

Date:

Har qanday islohotlar negizida xalq manfaati, farovon hayot kechirishi maqsad qilingan bo‘ladi. Shu sababdan ham oiladagi muammolarni, ishsizlikni, turli illatlarni yo‘q qilish maqsadida mahallalarda hokim yordamchisi, yoshlar yetakchilari kabi yangi lavozimlar tayinlandi. Qolaversa, xotin-qizlar faoli, profilaktika inspektori va mahalla raisining-da o‘z xizmat vazifasi bor. Ularning faoliyati uyg‘unlikda amalga oshirilajak ishlar ko‘lamini yangi bosqichga ko‘tarishi reja qilingan. Axir bu beshlik yurt taraqqiyoti va xalqimiz farovonligi yo‘lida sidqidildan mehnat qilib, islohotlar “drayveri” bo‘lishi kerak-da.

Ho‘sh, bugungi kunda ular bildirilgan ishonchni oqlab, o‘z vazifasiga vijdonan va sidqidildan yondashishyaptimi? Termiz shahridagi “Shifokor” mahallasida bo‘lib o‘tgan hisobot yig‘ilishida mahalladagi beshlik: hokim yordamchisi, yoshlar yetakchisi, xotin-qilar faoli hamda profilaktika inspektorining to‘qqiz oylik faoliyatiga oid hisoboti eshitildi. Hisobot yig‘ilishida shahar hokimi O‘.To‘rayev, sektor rahbarlari, mutasaddilar va mahalla fuqarolari ishtirok etdi.

Mahallada tadbirkorlikni rivojlantirish uchun ajratilgan imtiyozli kreditlar, yoshlar va xotin-qizlarni qo‘llab-quvvatlash borasidagi ishlar, profilaktika inspektori tomonidan o‘tkazilgan profilaktik tadbirlar to‘g‘risida ma’lumotlar eshitildi. Kamchiliklar, xatolar tanqid ostiga olingan bo‘lsa, yutuqlar, muammolar tahlil qilindi. Munosabat hamda fikrlar bildirilib, amalga oshirilishi zarur bo‘lgan muhim va ustuvor vazifalar sarhisob etildi.
Nima bo‘lganda ham ishlarni to‘g‘ri tashkil etish, mahalladagi beshlik faoliyatini yanada yaxshilash zarur. Yig‘ilish davomida ayni shu masalalarga to‘xtalib o‘tildi va aniq vazifalar belgilandi.

S.Davlatova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Boysunda piknik zonalar bor…

Bahor go‘zal fasl. Yon-atrofning ajib ko‘rinish kasb etishi kishini...

29 nafar ishsiz ishli bo‘ldi

Ishsizlarni “qayerda ish bor-u ishlasam bo‘lar ekan”, degan savol...

“O‘zimiz keldik”

Mualliflik huquqi haqida bilasizmi? Bunday huquqlarimiz qonunchilik yo‘li bilan...

Ekologik normalarga rioya qilinmasa…

Ekologiyani asrash borasida bong urayotgan bir paytda ba’zi ishbilarmon...
KunTun
KunTun