Paxta fermer-u terimchiga rizq-ro‘z, baraka keltiradi. Oq oltinning bir tolasini ham nest-nobut qilmay terib olish maqsadida ayni paytda paxta dalalarida terim mavsumi qizg‘in tus olgan.
Qiziriq tumanidagi “Surxon cotton textile cluster” MChJ tomonidan paxta yetishtirilgan dala maydonlarida ham yig‘im-terim ishlari avjida. Dalada terimchilar uchun barcha shart-sharoitlar yaratilgan. Toza ichimlik suvi deysizmi, tushlikda issiq ovqat deysizmi, barchasi o‘z vaqtida badastir. Talab etilayotgani esa toza va sifatli oq paxtani yig‘ishtirib olish.
Qiyg‘os ochilgan paxtalarni terayotgan terimchilar zavq bilan 100 kilogramdan oshirib terayotgani eshitgan quloqni hayratlantiradi. Har besh kunda tergan paxtalarining haqini olayotganlari ish unumini oshirishga, paxtakorlarning dalada javlon urib mehnat qilishiga ilhom bag‘ishlayotgani rost. Qolaversa, ilg‘or terimchilarning qo‘shimcha ravishda rag‘batlantirilib, qimmatbaho sovg‘alar bilan mukofotlanayotgani dalalarda qizg‘in raqobat muhitini ug‘otgan. Bundan, albatta, ish unumi oshadi va belgilangan rejani muddatidan oldin bajarishga imkoniyat tug‘diradi.
Sohibjamol
