Qumqo‘rg‘on tumanida Prezident ta’lim muassasalari ish boshladi.

Date:

Bugungi kunda ta’limga qaratilgan e’tibor har doimgidan-da muhim ahamiyat kasb etgan. Buni davlat umumta’lim maktablari qatorida Prezident maktablari, ixtisoslashgan maktab-internatlarining faoliyati yo‘lga qo‘yilganidan bilish qiyin emas. Muhimi yoshlar ko‘ngildagidek va talab darajasida ta’lim-tarbiya olsa, yetuk va salohiyatli kadr sifatida yetishib chiqsa, ko‘zlangan maqsad ham shu.

Viloyatda musiqa va san’at, fizika-matematika, chet tillariga ixtisoslashgan maktablarning faoliyatiga, bitiruvchilarning oliy ta’limga o‘qishga kirish kontingenti natija yomon emasligini ko‘rsatadi. Demak, tajribani amaliyotga keng tadbiq etish mumkin.
Viloyat bo’ylab “Birinchi qo‘ng‘iroq” sadolari ostida an’anaviy tarzda o‘quv yili boshlandi. Buning shukuhi, ko‘tarinki kayfiyati, albatta, o‘quvchi-yoshlarda sezildi. Ayni shunday muhim kunda Qumqo‘rg‘on tumanida Prezident ta’lim muassasalari agentligi qoshidagi Qumqo‘rg‘on tuman ixtisoslashtirilgan maktabi ham o‘z ish faoliyatini boshladi.

O‘ziga xos ta’lim metodlaridan foydalanishni maqsad qilgan pedagoglar jamoasi bilim olish ishtiyoqida yonayotgan o‘g‘il-qizlarga munosib ta’lim-tarbiya berish uchun puxta tayyorlanishgan.
Ta’lim muassasasi barcha shart-sharoit va qulayliklarga ega, o‘z navbatida o‘quvchilar bu qulayliklardan unumli va to‘g‘ri maqsadlarda foydalanishadi. Ushbu dargohda ham “Birinchi qo‘ng‘iroq” chalinib, “Bilimlar kuni” keng nishonlandi.

Qumqo‘rg‘on tuman hokimi A.Normamatov ham ta’lim muassasasida tahsil olishni maqsad qilgan yoshlarning quvonchiga sherik bo‘ldi. Tashrif bahona muassasa ma’muriyati va yoshlarni Mustaqilligimizning 31 yilligi hamda yangi o‘quv yili boshlanganligi munosabati bilan samimiy tabrikladi.

S.Allayeva

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bepul reabilitatsiya imkoniyatlari kengaytirildi

O‘zbekistonda nogironligi bo‘lgan shaxslarni reabilitatsiya va protezlash markazlariga yo‘llashning...

Mehnat qadri – e’tibor va rag‘batda

Madaniyat sohasi vakillari xalqning ma’naviy merosini asrash, milliy qadriyatlarni...

Pul o‘tkazmalarida yangi tartib

2026-yil 16-noyabrdan masofaviy moliyaviy xizmatlardan foydalanish xavfsizligiga oid yangi...

Ta’lim muassasalari faoliyati o‘rganilmoqda

Surxondaryo viloyatidagi ta’lim muassasalarining faoliyati, o‘quv jarayonlari sifati va...
KunTun
KunTun