O‘yinchoqlar ustasi aniqlandi

Date:

Mato qoldiqlari, qog‘oz qiyqimlarini hech narsaga yaramaydigan chiqindi misol uloqtiramiz. Ammo, mohir qo‘llar ulardan ajib san’at asarlarini yaratishga-da qodir. Buning uchun qunt va ishtiyoq bo‘lsa bo‘lgani.
Sho‘rchi tumanidagi maktabgacha ta’lim tashkilotlarining mohir ijodkor tarbiyachilari ishtirokida o‘tkazilgan “O‘yinchoqlar ustasi” ko‘rik-tanlovining tuman bosqichida ana shunday ijod namunalari ko‘rgazmasi tashkil etildi.

Ko‘rgazma katta-yu kichikning e’tiborini tortdi. 8 yo‘nalishda bo‘lib o‘tgan tanlovda karton qog‘ozidan yasalgan uylarning dizayni, rangli qog‘ozdan ishlangan dekorativ suratlar tomoshasi kishiga zavq-shavq bag‘ishladi. Atlas ko‘ylak, do‘ppidagi, sochlari o‘rim-o‘rim qilib o‘rilgan milliy o‘yinchoqlar esa tarbiyalanuvchilarning qo‘llaridan tushmadi.

Ayniqsa, bog‘cha opalarning o‘z qo‘llari bilan yaratayotgan qo‘g‘irchoqlarning yasalish jarayonini, ishga yondashuv va yasash texnikasini kuzatish bahonasida, ularga munosib baho berish mumkin. Hakamlar hay’ati ham ayni shu jihatlarga e’tibor berishdi.

— Bolalarning dunyoni anglashi, tasavvur olamining kengayishi, so‘z boyligining shakllanishida milliy o‘yinchoqlarning ahamiyati kattadir, — deydi 1-MTT psixologi N.Safarova. – Ijodkor tarbiyachilarimiz yasagan milliy qo‘g‘irchoqlar qizaloqlarda ibo, hayo, andisha tuyg‘ulari shakllanishiga, o‘g‘il bolalarning mardlik, jasurlik, halollik kabi fazilatlar ruhida ulg‘ayishiga ko‘maklashadi.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Yo‘llar ta’mirlanmoqda…

Yo‘l xavfsizligi inson umrining garovidir deb bejiz aytmagan. Mahallada...

“Inklyuziv ta’lim” loyihasining istiqbollari muhokama qilindi

2023-yil oktyabr oyidan Maktabgacha ta’lim agentligi bilan hamkorlikda YUNISEF...

Huquqiy masalalar o‘rganildi

Har bir oilaning o‘z tashvishi va muammosi bo‘ladi. Bu...

65 nafar xotin-qiz tikuv mashinali bo‘ldi

Subsidiya asosida fuqarolar nafaqat yangi uy, balki yangidan yangi...
KunTun
KunTun