Otayotgan o‘qingiz nishonga tegishi uchun, avvalo o‘q otish texnikasini yaxshi bilish lozim. Qolaversa, diqqatni jamlab, jarayonni his etish ham yaxshi natija beradi.
Sherobod tumanidagi markaziy o‘yingohda Vatanparvarlik oyligi munosabati bilan O‘zbekiston Respublikasi Milliy gvardiyasi Surxondaryo viloyati Qo‘riqlash boshqarmasi boshlig‘i kubogi uchun tashkil etilgan kamondan o‘q otish musobaqasining tuman bosqichida ishtirok etgan yoshlar ayni shu jihatlarga e’tibor bergan holda mashg‘ulotlarga kirishdilar.
Musobaqa qiziqarli o‘tdi. Belgilangan masofadan turib o‘q otayotgan ishtirokchilarning har bir urinishi hakamlar hay’atining e’tibor markazida bo‘ldi. Ballar tizimida baholanib, merganlar aniqlandi. Faol ishtirok etgan “G‘ambur” va “Katta hayot” mahallasi yoshlarining merganliklari e’tirof etarli bo‘ldi va ular mutasaddilarning esdalik sovg‘alari bilan taqdirlandi.
S.Davlatova
