44 nafar yoshga tikuv mashinalari berildi

Date:

Qo‘lda hunaringiz bo‘lsa-yu, undan foydalana olmasangiz… imkoningiz, sharoitingiz bo‘lmasa, bundan yomoni yo‘q. “Yoshlar daftari”ga bandligini ta’minlashni so‘rab murojaat etadigan yoshlarning aksariyatida ayni shu muammo. Tikuvchilikdan, usta-hunarmandchilikdan xabari bor-u, ammo ishini yo‘lga qo‘yishlari uchun imkoniyati, zarur asbob-uskunasi, texnikasi yo‘q.

Murojaatlarni ko‘rib, o‘rganib chiqadigan mutasaddilar esa ayni shu muammolarni bartaraf etish uchun xizmatda. Shu maqsadda Termiz shahar 4-sektor rahbari Sunnatilla Muxamadiyev rahbarligida hamda mahalladagi yoshlar yetakchilari tavsiyalari bilan “Yoshlar daftari”ga kiritilgan yoshlarga subsidiya asosida asbob-uskunalar berildi.

Adib Sobir Termiziy nomidagi viloyat kutubxonasida 44 nafar yoshga tikuv mashinalari topshirildi. Yoshlarning bandligini ta’minlashni maqsad qilgan mana shunday ishlarning amaliy ifodasi hududlarda davom etayotir.
Zarur asbob-uskunaga ega bo‘lgan yoshlarning ko‘zida ishonch va xursandchilik ifodasini sezish qiyin emas. Ular endi mehnatlari ortidan daromad ko‘rib, oilasiga, jamiyatga naf keltirishni boshlashadi.

Sohibjamol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

SHEROBODDA G‘O‘ZA OCHILDI

Paxtakorlar javlon urib mehnat qilishgan bo‘lsa, dalalarda g‘o‘zalarning qiyg‘os...

Oylik doirasida…

Onlayn savdo orqali pulini o‘tkazib berganingizdan so‘ng, xaridingizni yetib...

Hosilga hosil qo‘shadi

Angor tumanida 4734 gektar maydonga go‘za ekilgan bo‘lib, hozirgi...

Odamlar nima deydi?

Erta tongdan ishga otlanishimni kuzatadigan oyim doimo sinchkovlik bilan...
KunTun
KunTun