Uyimizda suv jo‘mragini ochishimiz bilan obihayot oqishni boshlaydi. Iste’moldan tashqari boshqa maqsadlarda ham foydalanishni odat qilganimiz toza ichimlik suvi bilan to‘la ta’minlanmagan hududlar hali-hamon mavjud. Qiziriq tumanidagi “Kunchiqish” mahallasidagi 50 ta xo‘jalik ayni shunday sharoitda istiqomat qiladi. Toza ichimlik suvini olisdan tashib keltirishadi. Tasavvur qiling, bu jarayon yog‘ingarchilik va jazirama issiq kunlarda aholiga qanchalik qiyinchilik tug‘dirishini.
Tuman hokimi R.Pardayev va IIB boshlig‘i 3-sektor rahbari G‘.Xo‘jamqulov muammoga munosib yechim topishdi. Mahalla hududiga 55 metr truba quvuri keltirib o‘rnatildi. Mutasaddilarning tashabbusi bilan endi 50 ta xo‘jalik ham toza ichimlik suvi bilan ta’minlanadigan bo‘ldi.
Hilola Baxtiyorova
