Surxondaryo Alpomishlar yurti. Bu yurtda unib o‘sgan yigit-qizning qonida polvonlik, yuragida o‘t chaqnaydi. Qanday sport turi bo‘lmasin, shug‘ullandimi, yurti nomini dunyoga taratmay qo‘ymaydi. Qirg‘iziston Respublikasi Issiq ko‘l viloyatida sportning “Usmon Kombat Sistems” turi bo‘yicha yoshlar o‘rtasida bo‘lib o‘tgan jahon chempionatida ham yurtimiz, xususan surxonlik sportchilarning ishtiroki tahsinga loyiq.
Musobaqada IIV Surxondaryo akademik litseyi o‘quvchisi Biloljon Xo‘shboqov 14-16 yosh 60 kilogramm vazn toifasida “Ful kontakt” yo‘nalishida faxrli 1-o‘rinni egallab, oltin medalni qo‘lga kiritdi.
Litseyning yana bir o‘quvchisi Fazliddin Elmurodov esa 2-o‘rinni band etib, kumush medal sohibiga aylandi.
H.Baxtiyorova
