Turli san’atlarni o‘zida birlashtira olgan dzyudo sport turi kishini qaramlikni yengishga, kuchini to‘g‘ri yo‘naltira olishga o‘rgatadi. Jang atiga 4-5 daqiqa davom etsa-da, bu muddat ichida dzyudochi o‘z imkoniyatlarini ko‘rsata oladi. Tomoshabin qaqshatqich zarbalarni, ayovsiz kurashni kuzatmas, ammo jarayondan zavq oladi.
Dyudo o‘zbek kurashiga o‘xshab ketadi. Shuning uchun ham tezda ommalasha olgan. Bu yo‘nalishdagi muvaffaqiyat va natijalarimiz esa maqtanarli. Ushbu sport turi bo‘yicha bo‘ladigan chempionatlarda esa o‘zbekistonlik yoshlar-da, yuqori pog‘onalarni zabt etib kelmoqda.
Ayni kunlarda Tailand poytaxti Bangkok shahrida bo‘lib o‘tayotgan Dzyudo bo‘yicha Osiyo chempionati ham dzyudochilarning o‘zlarini ko‘rsatishlari uchun bir imkon bo‘ldi. Chempionatda surxondaryolik Termiz davlat universiteti talabasi O‘tkirbek To‘rayev ham bor. Dzyudochining puxta tayyorgarlik ko‘rganini u o‘tkazgan janglardan bilish mumkin. Mehnatlari besamar ketmay, O‘tkirbek +100 kilogramm vaznda 2-o‘rinni egalladi. Albatta, zo‘rlar ichra kuch sinashmoqlikning o‘zi ham mardlik, jasorat.
H.Baxtiyorova
