“Karmaki”da qo‘g‘irchoq ishlab chiqarilmoqda

Date:

Inson shug‘ullanayotgan kasbi yo ishidan zavq olsagina, bu ishning muvaffaqiyatli kechishini, daromad keltirishi mumkinligini tahmin qilsa bo‘ladi. Shu maqsadda yoshlarni ish bilan band qilishda ularning qiziqish va layoqatlari inobatga olinadi. Qiziriqlik Dilnoza Bozorova ham qiziqishi kuchliligidan Sherobod tumanidagi qo‘g‘irchoq ishlab chiqarish o‘quv markaziga o‘qishga bordi. Jarayonning o‘ziga yarasha qiyinchilik va mashaqqatlariga qaramay, uch oy deganda qo‘g‘irchoq yasashga usta bo‘lib oldi.

Mehnatingizning mevasi o‘laroq, bejirim va yoqimtoy qo‘g‘irchoq yaralsa, yomonmi? Ayniqsa, bu o‘yinchoqlarning mijozi jajji o‘g‘il-qizlar bo‘lsa-da, ko‘zi tushishi bilan mehri ham tushib, o‘ziniki bo‘lishini istab tursa. Bu holat, albatta, har bir usta-hunarmandga motivatsiya berishi, ruhlantirishi aniq. Ana shunday o‘y-xayollar bilan Dilnoza o‘zi istiqomat qiladigan “Karmaki” mahallasida hududidan o‘yinchoqlar ishlab chiqaradigan sex ochdi. “Sexni qanday ishlataman, kimlarni jalb qilaman” deb o‘ylab o‘tirmadi, mahalla faollarining ko‘magi bilan o‘yinchoq yasashga qiziquvchi ishsiz, “Yoshlar daftari”ga kiritilgan yoshlar qisqa fursatda jam bo‘lib, yosh usta-hunarmanddan hunar sirlarini o‘rganishni boshladi. O‘z navbatida Dilnoza ham sidqidildan ishga kirishdi. O‘rganish ishtiyoqida yonayotgan ko‘ngillarga qo‘g‘irchoq to‘qishni, rang tanlash, mos detallardan foydalanish bo‘yicha saboqlar bera boshladi.

Ayni paytda o‘qish va ish bir me’yorda davom etyapti. O‘rganuvchi qizlarning qo‘llari ancha kelishib qolgan. Avvaliga 5-6 nafar qiz bilan ish boshlagan yosh hunarmand qo‘l ostida hozirda 30 nafarga yaqin yosh hunar o‘rganib, ish boshlagan.
Qo‘g‘irchoq ishlab chiqaruvchi sex bahonasida yoshlar ish bilan band bo‘layotgan bo‘lsa, boshqa tomondan bozorlarimiz rastalaridan o‘zimizda ishlab chiqarilayotgan hamyonbop va sifatli o‘yinchoqlarning joy olayotgani quvonarli hol, albatta.

S.Normurodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

SHEROBODDA G‘O‘ZA OCHILDI

Paxtakorlar javlon urib mehnat qilishgan bo‘lsa, dalalarda g‘o‘zalarning qiyg‘os...

Oylik doirasida…

Onlayn savdo orqali pulini o‘tkazib berganingizdan so‘ng, xaridingizni yetib...

Hosilga hosil qo‘shadi

Angor tumanida 4734 gektar maydonga go‘za ekilgan bo‘lib, hozirgi...

Odamlar nima deydi?

Erta tongdan ishga otlanishimni kuzatadigan oyim doimo sinchkovlik bilan...
KunTun
KunTun