Imtihon bo’lmaydi… mi?

Date:

Magistarturada o‘qish oliy ta’limni tamomlayotgan bakalavriat talabasi uchun orzu va maqsadga aylangan. Qabul kvotalarining chegaralangani esa hammada ham bu maqsadga yetishga imkon bermas edi. ta’lim tizimidagi o‘zgarish va yangiliklar, bir so‘z bilan aytganda yaxshi islohotlar yoshlar ko‘nglidagi maqsadni yanada alangalatsa, ajab emas. Sababi “Davlat oliy ta’lim muassasalariga o‘qishga qabul qilish jarayonlarini tashkil etish to‘g‘risida”gi Prezident qarorida magistratura bo‘yicha ham qator yangiliklar belgilangan. Unga ko‘ra magistraturaga kirishda imtihon bekor qilinib, joriy yildan nomzodlar bakalavriat diplomi bali va til sertifikatidagi ball bo‘yicha ketma-ketlikda qabul qilinadi. Bundan tashqari, xotin-qizlarning davlat oliygohlari magistraturasida o‘qishi bepul bo‘ldi. Qolaversa, qabul yiliga ikki marta – avgust va yanvar oylarida bo‘lishi ko‘pchilikni qiziqtirishi aniq. Bunda avgust oyidagi qabul – navbatdagi o‘quv yili uchun tasdiqlangan davlat granti va to‘lov-kontrakt asosidagi hamda moliyaviy mustaqillik berilgan oliy ta’lim muassasalarining kuzatuv kengashlari tomonidan tasdiqlangan to‘lov-kontrakt asosidagi qabul kvotalariga muvofiq bo‘lsa, yanvar oyidagi qabul – dastlabki qabul natijalariga ko‘ra to‘lmagan o‘rinlar hamda Davlat komissiyasi tomonidan tasdiqlangan qo‘shimcha to‘lov-kontrakt asosidagi qabul kvotalariga muvofiq amalga oshiriladi. Magistraturaga qo‘shimcha qabul kvotalari asosida o‘qishga qabul qilingan abiturientlarning to‘lov-kontrakt summasini OTMlarning o‘zlari mustaqil belgilaydi. Narx belgilashda bir talabaga to‘g‘ri keladigan real xarajatlardan kelib chiqiladi.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Ehtiyoj bor, ehtiyot bo‘ling!

G‘iybatdan tavba qilib ne topdim, aslida, so‘zning asali g‘iybat-da!...

Tarixdan chiqarib xulosa…

Tarix — insoniyat sivilizatsiyasining buyuk yutuqlari-yu achchiq xatolari, qadimiy...

Voleybolda ham natijalar quvonarli

So‘nggi yillarda barcha sport turlari qatori voleybolga ham keng...

Xonjiza tomonlarda yoxud tog‘lar aro bir kun

Muborak hadisi sharifda: “Sayohat qilinglar, sog‘lom bo‘lasizlar”, deya marhamat...
KunTun
KunTun