Gandbolchilarimiz Rossiyadan quruq qo‘l bilan qaytishmadi

Date:

Yurtimizda qo‘l to‘pi sport o‘yiniga qaratilgan e’tibor diqqatga sazovor, albatta. Yosh gandbolchilarning mahorat va tajribasini oshirish, bu yo‘lda shart-sharoit va imkoniyatlar yaratish maqsadida O‘zbekiston gandbol federatsiyasi tomonidan ibratli ishlar amalga oshirilayotir. Ushbu sport turiga qiziqqan borki, qo‘llab-quvvatlanyapti, iqtidori to‘g‘ri yo‘naltirilyapti. Ayniqsa, gandbolchi jamoalarning xalqaro miqyosdagi musobaqalarda ishtiroki ham, natijalar ham maqtashga arzigulik.

Ana shunday musobaqalardan biri Rossiyaning Tolyatti shahrida an’anaviy tarzda har yili o‘tkazib kelinayotgan “Xalqaro bolalar gandbol festivali”dir. Bu yilgi ishtirok va natijalar ham oldingilaridan qolishmadi.
To‘rt yosh (2007-2008, 2009, 2010, 2011 va undan kichik) toifasida tashkil etilgan XX xalqaro festivalda O‘zbekistondan 9 ta jamoa ishtirok etdi va g‘oliblik uchun bahs olib bordi. Bellashuv qizg‘in va murosasiz o‘tdi. Tan olish kerak, har bir ishtirokchi jamoa vakillari puxta tayyorgarlik bilan kelgan. Ishtirokchilarning epchilligi, harakatlari diqqatga sazovor. O‘zgarish va tajriba almashish uchun ham katta maktab vazifasini o‘tagan musobaqada o‘zbekistonlik gandbolchilar ham bo‘sh kelmadi. Demak, ravshanki, o‘zbek gandbolining kelajagi ishonchli qo‘llarda va natijalar o‘zini oqlaydi.

Festivalda 186 ta jamoa musobaqalashib, o‘zbekistonlik 9 ta jamoadan 6 tasi shohsupadan joy olgani quvonchli hodisa bo‘ldi. G‘oliblar orasida Toshkent, Andijon, Sirdaryo, Namangan viloyatlaridan ishtirok etgan jamoalar bilan birga Surxondaryoning gandbolchi jamoasi ham bor.
Bu gandboldagi e’tirof etarli yutuq bo‘lsa, nufuzli festival uchrashuvlarini boshqarishda o‘zbekistonlik hakamlarning-da jalb etilgani yurtimizning gandbol mutaxassislariga bildirilgan yuksak ishonchni bildiradi.

S.Normurodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Karmaki”da qo‘g‘irchoq ishlab chiqarilmoqda

Inson shug‘ullanayotgan kasbi yo ishidan zavq olsagina, bu ishning...

Xatakdan noyob topilma…

Vohamizdagi bir guruh arxeolog olimlar qoyatosh suratlarini izlab o‘tgan...

“Daqiqasini 200 ming so‘mdan baholagan”

Jurnalist surishtiruvi har bir sohani sergaklantirib qo‘yishi shubhasiz. Uning...

131 nafar ayol ishli bo‘ldi

Hunar ayol kishining ko‘rki. Mehnati bilan yuzi issiq aslida....
KunTun
KunTun