Qumqo‘rg‘on tumani markazidan 35 kilometr uzoqlikda joylashgan “Cho‘kirli” mahallasida yangi klinika faoliyatini boshladi. Zamonaviy loyiha asosida qad rostlagan ushbu muassasada aholiga sifatli tibbiy xizmat ko‘rsatish uchun barcha shart-sharoitlar yaratilgan hamda zarur tibbiy jihozlar bilan ta’minlangan.
Klinika ushbu hududga yaqin 8 ta mahalla aholisiga, ya’ni 25 mingga yaqin fuqaroga xizmat ko‘rsatadi. Tor doiradagi mutaxasislar — ginekolog, urolog, kardiolog, nevropotolog, lor, terapevt, pediator va “UZI” vrachlar hamda laboratoriya xizmati yo‘lga qo‘yilgan bo‘lib, bu xizmatlar tuman ahlining uzog‘ini yaqin qilib, dardiga shifo bo‘ladi.
H.Baxtiyorova
