Suvni tejash, undan oqilona foydalanish bugungi davr talabi. Hatto, qishloq xo‘jaligida ham bu borada munosib yechim izlash choralari allaqachon ko‘rib boshlangan. Ekinlarni tomchilatib sug‘orish ham suvni tejaydi, ham ekinning vaqti-vaqti bilan tez va samarali sug‘orilishini ta’minlaydi.
Suv tejaydigan texnologiyalardan foydalanish, xarajatlarning bir qismini qoplash uchun subsidiya ajratilayotgani esa nafaqat sohada, balki dehqon va fermerlar uchun ham katta ko‘mak bo‘lib xizmat qiladi.
Shu maqsadda Sherobod tuman hokimligida qishloq xo‘jaligi vazirligi “Ishchi guruhi”tomonidan Suvni tejaydigan texnologiyalarni joriy etish bo‘yicha “Agro-subsidiya” yagona axborot tizimi dasturidagi mashg‘ulotlar va Avstriyaning “Bauer” kompaniyasi yomg‘irlatib sug‘orish uskunalarini yetkazib berish va uni to‘liq o‘rnatish bo‘yicha seminar bo‘lib o‘tdi.
Seminarda subsidiya olish, uskunalarni yetkazib berish va o‘rnatish bo‘yicha ma’lumotlar berildi.
H.Baxtiyorova
