Termiz shahridagi 3-sonli maktabda “Mohir qo‘llar” to‘garagi tashkil etildi. To‘garak rahbari esa maktab joylashgan “Shodlik” mahallasida yashovchi hoji ona Mun Alla Egorovnadir. To‘garakda to‘qishga ishtiyoqi bor o‘quvchi qizlar qiziqish bildirib qatnayapti. To‘qish jarayonini kuzatib tursangiz, hoji ona qizlarga to‘qish texnikasi, usullarini o‘rgatish bilan birga urf-odatlar, o‘zbek qiziga zeb bo‘ladigan odatlar haqida so‘zlaydi.
Qiziqarli va ibratli rivoyatlar aytib, yoshlarning vaqtini mazmunli o‘tkazmoqda. Bu an’ana boshqa maktablarda ham tashkil etilsa, qizlarimiz nafaqat hunar o‘rganadi, balki pir-u badavlat onaxonlarimizning nasihat va maslahatlarini quloqlariga tumordek ilishadi.
S.Murodova
