Ushbu kontent faqat obunachilar uchun
Bugun, 15 dekabr kuni Birlashgan Millatlar tashkiloti Qochoqlar ishlari boʼyicha oliy komissari Boshqarmasining gumanitar yuki ortilgan ikkita maxsus yuk mashinasi Termiz orqali Аfgʼonistonning Mozori Sharif shahriga joʼnatildi.
Insonparvarlik yordami BMT Qochoqlar ishlari boʼyicha oliy komissari Boshqarmasining Surxondaryo viloyatidagi “Termez Cargo Centre”da Oʼzbekiston hukumati koʼmagida tashkil etilgan gumanitar markazidan yuklanib, qoʼshni davlatga yuborildi. Zamonaviy terminal Oʼzbekiston – Аfgʼoniston chegarasidan ikki kilometr uzoqlikda joylashgan boʼlib, bu yerda yuklarni saqlash va qoʼshni mamlakatga joʼnatish uchun yetarli sharoit yaratilgan.
Аfgʼonistonga yuborilgan dastlabki qirq tonnaga yaqin gumanitar yuk oshxona anjomlari, plastmassa qoplama va boshqa zarur hayotiy narsalardan iborat.
Gumanitar yordam yuklari joriy yilning oktyabr-noyabr oylarida havo va quruqlik orqali Termizga yetkazilib, “Termez Cargo Centre” terminalida saqlanayotgan edi.
