Mazmunli ta’til — unutilmas taassurotlar

Qiziriq tumanidagi ijtimoiy himoyaga muhtoj oilalarning 60 nafar farzandi homiylar ko‘magida Sherobod tumanidagi “Vandob oltin bulog‘i” yozgi sog‘lomlashtirish oromgohiga dam olish uchun yuborilmoqda.
Mazkur tashabbus bolalarning yozgi ta’tilini mazmunli tashkil etish, ularning sog‘lom hordiq chiqarishi, bo‘sh vaqtini samarali o‘tkazishi hamda jismoniy va ma’naviy kamolotini qo‘llab-quvvatlashga xizmat qiladi.
Oromgohda sport musobaqalari, ma’naviy-ma’rifiy tadbirlar, qiziqarli tanlovlar va madaniy dasturlar tashkil etilib, bolajonlarga quvonchli va esda qolarli lahzalar ulashiladi. Bu kabi ezgu tashabbuslar yosh avlodning barkamol voyaga yetishi va ijtimoiy qo‘llab-quvvatlanishini ta’minlashda muhim ahamiyat kasb etadi.