Tarixiy meros targ‘iboti

Surxondaryo viloyatida faoliyat yuritayotgan axborot xizmati rahbarlari uchun Toshkent shahridagi Islom sivilizatsiyasi markaziga press-tur tashkil etildi.
Tashrif davomida ishtirokchilar markazda amalga oshirilayotgan bunyodkorlik ishlari, zamonaviy infratuzilma hamda xalqimizning boy tarixiy-ma’naviy merosini targ‘ib etishga qaratilgan loyihalar bilan tanishdilar.
Shuningdek, markazning ilmiy-ma’rifiy faoliyati, noyob qo‘lyozmalar va tarixiy manbalarni asrash hamda tadqiq etish yo‘nalishidagi ishlari haqida ma’lumot berildi. Bunday tashabbuslar milliy merosni keng jamoatchilikka yetkazish, tarixiy xotirani mustahkamlash va ma’naviy-ma’rifiy targ‘ibot samaradorligini oshirishda muhim ahamiyat kasb etadi.