Angor tumanidagi 24-sonli maktab qoshida tashkil etilgan “Do‘stlik” sog‘lomlashtirish oromgohida 100 nafar o‘quvchining yozgi ta’tili mazmunli tashkil etilmoqda.
Bolalar sport musobaqalari, kitobxonlik soatlari va turli to‘garaklarda faol ishtirok etib, bilim va iqtidorlarini rivojlantirmoqda. Oromgohda ularning xavfsizligi, sog‘lom ovqatlanishi va sifatli hordiq chiqarishi uchun barcha zarur sharoitlar yaratilgan.
Bunday maskanlar yosh avlodning bo‘sh vaqtini samarali tashkil etish, sog‘lom turmush tarzini targ‘ib qilish hamda ularni barkamol insonlar etib tarbiyalashda muhim ahamiyat kasb etadi.
