Adliya vazirligi tomonidan otaliqqa olingan umumiy o‘rta ta’lim maktablari o‘quvchilari o‘rtasida “Huquqshunoslik” fan olimpiadasining respublika bosqichi bo‘lib o‘tdi.
Olimpiadaning hududiy bosqichida yuqori natijalarni qayd etgan o‘quvchilar respublika bosqichida 3 ta shart bo‘yicha bellashishdi. Ishtirokchilar huquqiy bilimga oid test savollari javob topishgan boʻlsa, muammoli vaziyat (keys-stadi) va blits savol-javoblarda ham bor mahoratlarini ishga soldilar.
Olimpiada g‘oliblari qonuniylik, shaffoflik, oshkoralik, adolatlilik, tenglik tamoyillariga tayangan holda hakamlar hay’ati tomonidan berilgan xulosalar asosida aniqlandi. Olimpiadaning yakuniy natijalariga ko‘ra 8-sinflar o‘rtasida 3-oʻrin surxondaryolik M. Jo‘rayevaga nasib etgan boʻlsa, 9-sinflar o‘rtasida vohadoshimiz D. Rustamov 2-o‘rinni, 10-sinflar o‘rtasida 1-o‘rinniʼ – S. Qurbonova (Surxondaryo viloyati) qoʻlga kiritdi.
Olimpiada g‘oliblari diplom va pul mukofotlari bilan taqdirlandi.
