Boysun tuman ixtisoslashtirilgan maktabining 7-sinf o‘quvchisi Temurbek Nurullayev xalqaro IELTS imtihonida 7,5 ball natija qayd etdi. Bu yoshda bunday yutuqqa erishish o‘ta noyob hodisa sanaladi.
Ma’lumki, IELTS ingliz tilidagi tinglash, o‘qish, yozish va so‘zlash ko‘nikmalarini baholovchi eng nufuzli imtihonlardan biridir. Temurbek ushbu murakkab sinovda yuqori natija ko‘rsatib, o‘zining bilimga chanqoqligi, mehnatsevarligi va intilishlari samarasini isbotladi.
Bu yutuq nafaqat Temurbekning shaxsiy muvaffaqiyati, balki tengdoshlariga ham katta ilhom manbayi bo‘ldi. Uning natijasi yoshlarga mehnat, qat’iyat va sabr bilan har qanday marrani zabt etish mumkinligini ko‘rsatmoqda. Bugungi kunda ingliz tilini mukammal o‘rganish nafaqat ta’lim olish, balki dunyo miqyosidagi imkoniyatlarga yo‘l ochadi. Temurbekning muvaffaqiyati ham aynan shu haqiqatni tasdiqlab turibdi.
O‘quvchining ota-onalari, ustozlari va sinfdoshlari uning bu yutug‘idan g‘ururlanmoqda. Temurbek esa kelgusida yanada yuqori marralarni zabt etishni rejalashtirayotganini ta’kidladi.
