Surxondaryo viloyatida avtomaktablarga litsenziya berilmagani sababli haydovchilik guvohnomasi olish istagidagi fuqarolar Qashqadaryo viloyatiga borib imtihon topshirishga majbur bo‘layotgani jamoatchilik muhokamasiga sabab bo‘layotgan edi.
Muammoni bartaraf etish maqsadida Termiz shahrida yangi “avtodrom” — haydovchilarni tayyorlash va imtihondan o‘tkazishga mo‘ljallangan o‘quv-mashq maydoni tashkil etish ishlari boshlangan. Bugun viloyat hokimi Ulug‘bek Qosimov ushbu obyektda amalga oshirilayotgan ishlar bilan tanishdi va mas’ullarning axborotini tingladi.
Ushbu maydonni belgilangan talablar asosida jihozlash, ishga tushirish va haydovchilik guvohnomasini viloyatning o‘zida berish tizimini joriy etish bo‘yicha aniq vazifalar belgilab berildi.
