— Yo‘q, u ayol otamga to‘g‘ri kelmaydi, — derdi o‘g‘il. Ota esa indamay mayus o‘tirardi.
— Yo‘q, u ayol ham to‘g‘ri kelmaydi, — o‘g‘il zo‘r berib qarindoshlar taklif etayotgan ayollarni birin-ketin rad etardi. Kamiga esa yonida o‘tirgan xotini erini turtib, “bo‘lmaydi” deb imo qilardi.
— Senga qanaqa ayol to‘g‘ri keladi o‘zi? Kimni aytsak “bo‘lmaydi” deysan? — qarindoshlardan birining jahli chiqa boshladi.
— Otamga xotinni o‘zim topaman. Otamga tug‘maydigan xotin kerak. Yo yoshi o‘tganroq yoki umuman tug‘mas ayol topish kerak. Men kenjaman va bu hovlini yangi ukalarimga qoldirib ketishni umuman xohlamayman.
Otaga qo‘shilib o‘g‘il va uning xotinidan boshqa hamma mayuslandi….
Alp Arslon
