“Qorayontoq”da qulaylik

Jarqo‘rg‘on tumanidagi “Qorayontoq” mahallasida “Mahalla servis kompaniyasi” o‘z faoliyatini boshladi. Bu tashkilot mahallalarni obodonlashtirish bilan shug‘ullanadi, ko‘chalar va ariqlar tozaligini ta’minlaydi, ko‘chatlar ekib, parvarishlaydi. Shartnoma asosida kommunal tarmoqlarni ta’mirlash, chiqindilarni saralash va tashish xizmatlarini ham ko‘rsatadi.
Servis kompaniyasi mahalla fuqarolar yig‘ini kengashining qarori asosida salohiyatli tadbirkorlar orasidan tanlab olindi. Obodonchilik ishlari mahallaning buyurtmasi va nazorati asosida amalga oshiriladi. Servis kompaniyalari xizmatlariga to‘lov qilish uchun mahalla fuqarolar yig‘inlariga har oyda 20 million so‘mdan mablag‘ ajratiladi.
Shuningdek, ular aholiga 20 dan ortiq ijtimoiy pulli xizmat ko‘rsatiladi.