Prezidentimizning tashabbusi bilan yurtimizda kambag‘allikni qisqartirish, ko‘makka muhtoj oilalarga manzilli yordam ko‘rsatish, bandligini ta’minlash, daromadlarini oshirish maqsadida “Kambag‘allikdan farovonlik sari” dasturi amalga oshirilmoqda. Mazkur dastur doirasida har bir rahbar va ularning o‘rinbosarlariga 5 tadan ijtimoiy himoyaga muhtoj, “Yagona reyestr”da turuvchi oilalar biriktirilib, manzilli ishlar amalga oshirilmoqda.
Xususan, Surxondaryo viloyatida ushbu dastur asosida mas’ullar tomonidan o‘zlariga biriktirilgan oilalarning maktab yoshidagi farzandlarining sifatli ta’lim olishi uchun sharoit yaratish maqsadida parta-stullar yetkazib berilmoqda.Shuningdek, oilalarning farzandlariga kitoblar jamlanmalari, bayram sovg‘alari topshirilmoqda. Bu kabi tadbirlar viloyatimiz hududlari bo‘ylab davom etmoqda.
