Loyiha doirasida

Sog‘lom turmush tarzi uchun eng avvalo, toza havodan nafas olishimiz lozim. Doimiy chang-to‘zon, mashinalardan chiqayotgan zaharli gazlar esa havoni ifloslashini yaxshi bilamiz. Dov-daraxtlar esa mana shunday holatlarda eng yaxshi najotkor bo‘lib xizmat qiladi, zaharli gaz va tutunlarni yutib, toza havo ishlab chiqarib beradi.
Yurtimizni yashil makonga aylantirish, tabiatni asrash va havoni sof holda saqlash uchun “Yashil makon” umummilliy loyihasiga start berilganki, bu bilan yosh-u keksa, rahbar-u ishchi-xodim birdamlikda yerga ko‘chat qadashdi. Loyiha ommaviy tus olib, barcha o‘z hissasini qo‘shdi va jarayon hali-hamon davom etayotir. Bu safar esa Sho‘rchi tumanida “Yashil makon” umummilliy loyihasi doirasida ekilgan ko‘chatlar parvarishiga alohida e’tibor qaratildi. Ularning qurib qolmasligi, baravj unib-o‘sishi uchun sug‘orilmoqda.