Osiyo taraqqiyot banki ko‘magida O‘zbekistonda jami 20 ming o‘rinli 100 ta maktabgacha ta’lim muassasasini qurish, rekonstruksiya qilish va jihozlash rejalashtirilgan.
Loyiha doirasidagi vazifalarni muhokama qilish uchun Osiyo taraqqiyot banki, Iqtisodiyot va moliya vazirligi hamda Ta’lim va ilm-fan vazirligi vakillari Surxondaryo viloyatiga tashrif buyurdi.
Viloyat Maktabgacha va maktab ta’limi boshqarmasida o‘tkazilgan uchrashuvda rejalashtirilgan loyihalar taqdimoti, ularni amalga oshirish imkoniyatlari va yangi muassasalar qurilishi uchun yer maydonlarini ajratish masalalari ko‘rib chiqildi.
