O‘zbekistonda voyaga yetmaganlarni giyohvandlikka jalb qilganlik uchun 10 yilgacha ozodlikdan mahrum qilish jazosi belgilandi.
Shuningdek, voyaga yetmaganlarni spirtli ichimliklar yoki aqliy-irodaviy faoliyatga ta’sir etuvchi vosita va moddalarni iste’mol qilishga jalb etganlik uchun, avval ma’muriy jazo qo‘llanilganidan keyin, jarima miqdori 66 million so‘mdan 110 million so‘mgacha oshirildi.
Yangi choralar bolalarni zararli odatlardan himoya qilish va ularni bunday harakatlarga jalb etgan shaxslar javobgarligini kuchaytirishga qaratilgan.
