Pensiyaga chiqishni 6 yoki 12 oyga kechiktirgan, yuqori daromad oluvchi fuqarolarni moliyaviy rag‘batlantirish taklif etilmoqda. Iqtisodiyot va moliya vazirligi tomonidan jamoatchilik muhokamasiga qo‘yilgan qonun loyihasiga ko‘ra, yangi tartib 2028-yil 1-apreldan joriy etilishi mumkin.
Taklifga muvofiq, pensiya hisoblashda inobatga olinadigan ish haqi chegarasi pensiyaga chiqishni 6 oy kechiktirganda 7 mln 56 ming so‘mgacha, 12 oy kechiktirganda esa 7 mln 560 ming so‘mgacha oshiriladi.
Natijada yuqori ish haqi oladigan fuqarolarning pensiyasi 6 oy kechiktirilganda oyiga 277,2 ming so‘mgacha yoki 8 foizga, 12 oy kechiktirilganda esa 554,4 ming so‘mgacha yoki 15 foizga ko‘proq bo‘lishi mumkin.
Mazkur taklif hozircha qonun loyihasi bo‘lib, jamoatchilik muhokamasidan so‘ng yakuniy tartib belgilanadi.
