Jarqo‘rg‘on tumanidagi ko‘p qavatli uyda ota-onaning xavotirli murojaati qutqaruvchilarning tezkor harakati bilan xotirjamlikka aylandi.
20-sentyabr kuni soat 17:21 da Qorayontoq mahallasidagi “Yangi O‘zbekiston” massivida joylashgan besh qavatli uyning 5-qavatidan yordam so‘rab murojaat kelib tushdi. Ikki yoshli bola uyda qolgan vaqtida eshikni ichkaridan qulflab olgan, ota-onasi esa uni ocholmay qolgan.
Vaziyatdan xabar topgan Jarqo‘rg‘on tumani 10-kasbiylashtirilgan qutqaruv qismi ekipaji voqea joyiga zudlik bilan yetib bordi. Qutqaruvchilar tezkor harakat qilib, eshikni ochishdi.
Eng quvonarlisi, bola sog‘-salomat holda ota-onasiga topshirildi.
