Surxondaryoda oilaviy kitobxonlikni targ‘ib etishga qaratilgan “Biz — kitobxon oilamiz!” tanlovining viloyat bosqichi qizg‘in bahslar ostida o‘tkazildi.
Tanlov davomida oilalar badiiy asarlar yuzasidan o‘z bilimlarini sinovdan o‘tkazib, mutolaa borasidagi salohiyati, zukkoligi va hamjihatligini namoyon etdi.
Bellashuv yakunida Termiz shahrining “Bog‘ishamol” mahallasidan Xidirov Muxriddin oilasi birinchi, Termiz tumanining “Qoraxon” mahallasidan Bekkamova Mavlyuda oilasi ikkinchi, Jarqo‘rg‘on tumanining “Eskiqishloq” mahallasidan Tojiyeva Aziza oilasi esa uchinchi o‘rinni egalladi.
G‘olib oilalarning muvaffaqiyati kitobga mehr va mutolaa an’anasi oilaviy muhitda shakllanishining yorqin namunasidir.
Zero, kitobxon oilada ulg‘aygan farzandning dunyoqarashi keng, maqsadi esa ulug‘ bo‘ladi.
