Termiz garnizonida joylashgan harbiy qismlardan birida xizmat qilayotgan harbiy xizmatchilarning huquqiy bilimlarini oshirish, jinoyatchilik va huquqbuzarliklarning oldini olish, ayniqsa, kiberjinoyatlardan ogoh bo‘lishlarini ta’minlash maqsadida targ‘ibot tadbiri o‘tkazildi.
Tadbir Termiz harbiy prokuraturasi hamda Surxondaryo viloyati IIB xodimlari ishtirokida tashkil etilib, unda “Jinoyatchilik va huquqbuzarlikning oldini olish, kiberjinoyatlar va ularning oqibatlari hamda oldini olish chora-tadbirlari” mavzusida tushuntirishlar berildi.
Termiz harbiy prokurori, adliya polkovnigi Sh. Mirzayev o‘z ma’ruzasida jinoyat va huquqbuzarliklar uchun qonunchilikda belgilangan javobgarlik choralari, ularning oldini olishda har bir harbiy xizmatchining mas’uliyati haqida ma’lumot berdi.
Shuningdek, tadbir davomida 2024-yil 29-noyabrda qabul qilingan O‘RQ-1008-sonli Qonun bilan harbiy xizmatchilar faoliyatida joriy etilgan cheklovlar va ularga rioya qilish tartibi yuzasidan ham atroflicha tushuntirishlar berildi.
Tadbir yakunida ishtirokchilar o‘zlarini qiziqtirgan savollarga mutaxassislardan javob oldilar.
