Surxondaryoda maktabgacha ta’lim tashkilotlari tarbiyalanuvchilari o‘rtasida o‘tkazilgan “Jajji nurli yulduzlar” ko‘rik-tanlovining viloyat bosqichi bo‘lib o‘tdi.
Termiz shahridagi 26-sonli umumiy o‘rta ta’lim maktabida tashkil etilgan tanlovda tuman va shahar bosqichlarida g‘olib bo‘lgan 15 ta jamoa ishtirok etdi. 5–7 yoshli tarbiyalanuvchilar milliy raqs, kuy-qo‘shiq, sahna ko‘rinishlari va badiiy chiqishlari orqali o‘z iste’dod va ijodiy qobiliyatlarini namoyish etdilar.
Tanlov yakunida Qumqo‘rg‘on tumani 30-sonli DMTTning “Surxon yulduzlari” guruhi birinchi, Boysun tumani 7-sonli DMTTning “Alpomish avlodlari” guruhi ikkinchi, Muzrabot tumani 2-sonli DMTTning “Ko‘zmunchoq” guruhi uchinchi o‘rinni egalladi.
Tanlov jajji ishtirokchilarning sahna madaniyati, ijodkorligi va san’atga qiziqishini namoyon etish bilan birga, bolalikdan iste’dodlarni aniqlash, ularni qo‘llab-quvvatlash va kelgusida yangi qobiliyatlarni yuzaga chiqarish uchun muhim maydon bo‘lib xizmat qildi.
