Boysun tumanida O‘zbekiston Respublikasi Davlat mustaqilligining 35 yilligi munosabati bilan «ETNOSURXON» folklor va milliy o‘yinlar festivali yuqori saviyada o‘tkazildi. Jamoalar tomonidan xalqimizning qadimiy urf-odat va an’analari, folklor qo‘shiqlari hamda milliy raqslari aks etgan badiiy dastur namoyish etildi.
«Qirmizi» jamoasining mazmunli chiqishlari ishtirokchilar va mehmonlarda katta qiziqish uyg‘otib, milliy qadriyatlarimiz, xalq og‘zaki ijodi va boy madaniy merosimizni keng targ‘ib etishga xizmat qildi.
Bunday festivallar folklor san’atini asrab-avaylash va rivojlantirish, milliy an’analarni kelgusi avlodlarga yetkazish, yoshlar qalbida milliy g‘urur va Vatanga muhabbat tuyg‘ularini mustahkamlashda muhim ahamiyatga ega.
«Qirmizi» jamoasining festivaldagi munosib ishtiroki Oltinsoy tumanining madaniy hayotidagi muhim voqealardan biri bo‘ldi.
