Yoshlarning muammo va takliflarini eshitish, ularning kasbiy hamda ijtimoiy faolligini oshirish bugungi kunning muhim vazifalaridan biri hisoblanadi. Shu maqsadda Milliy gvardiyaning Surxondaryo viloyati bo‘yicha boshqarmasida “Rahbar va yoshlar uchrashuvi” tadbiri tashkil etildi.
Unda harbiy prokuratura, ichki ishlar organlari, Yoshlar ishlari agentligi, bandlik bo‘limi va sog‘liqni saqlash sohasi mutaxassislari, shuningdek, Milliy gvardiya safida xizmat qilish istagidagi hamda uyushmagan yoshlar ishtirok etdi.
Tadbir davomida yoshlar o‘zlarini qiziqtirgan savollarga mutaxassislardan batafsil javob oldi, bandlik, harbiy xizmat, huquqiy bilim va sog‘lom turmush tarzi masalalari yuzasidan fikr almashildi.
Bunday ochiq muloqotlar yoshlarning davlat va jamiyat hayotidagi ishtirokini kuchaytirish, ularning muammolariga yechim topish hamda kelajakdagi maqsadlarini aniq belgilashda muhim ahamiyat kasb etadi.
