2026-yil 1-sentyabrdan bazaviy hisoblash miqdori 440 ming so‘m etib belgilanishi bilan yo‘l harakati qoidalarini buzganlik uchun jarimalar ham yangi miqdorlarda qo‘llaniladi.
Yangilangan tartibga ko‘ra, xavfsizlik kamarini taqmaslik uchun 220 ming so‘m, qizil chiroqda harakatlanish yoki rulda telefon ishlatish uchun 1 million 320 ming so‘m jarima belgilanadi. Tezlikni oshirish, qarama-qarshi yo‘nalishga chiqish va mast holda avtomobil boshqarish kabi xavfli qoidabuzarliklar uchun esa bir necha million so‘mgacha jarima va haydovchilik huquqidan mahrum qilish jazolari qo‘llanadi.
Mutaxassislar fikricha, jarimalarning oshirilishi yo‘llarda intizomni kuchaytirish, avariya va inson talofatlarining oldini olishga xizmat qiladi. Shu bois haydovchilarga qoidalarga qat’iy rioya qilish tavsiya etilmoqda.
