2026-yil 1-sentyabrdan boshlab gaz ballonlari bo‘yicha hujjatlari to‘liq rasmiylashtirilmagan, texnik ko‘rikdan o‘tmagan yoki ballonining amal qilish muddati tugagan transport vositalariga gaz quyish cheklanadi.
Yangi tartibga ko‘ra, barcha gaz quyish va yonilg‘i shoxobchalarida “U-Gas” tizimi hamda “aqlli” nazorat kameralari ishga tushiriladi. Ular avtomobillarni yagona elektron baza orqali avtomatik tekshiradi.
Agar transport vositasi xavfsizlik talablariga javob bermasa yoki maxsus nazorat ro‘yxatiga kiritilgan bo‘lsa, tizim gaz quyish jarayonini avtomatik ravishda to‘xtatadi. Ushbu yangilik transport vositalaridan foydalanish xavfsizligini oshirish, texnik nosozliklar va favqulodda holatlarning oldini olishga qaratilgan.
