Muzrabot tumanida transport infratuzilmasini yaxshilashga qaratilgan bunyodkorlik ishlari izchil davom etmoqda. Prezidentning tegishli qarori ijrosi doirasida tuman markazidan o‘tuvchi 75V026 avtomobil yo‘lining 6 kilometrlik qismi kapital ta’mirlanmoqda. 2026–2027-yillarga mo‘ljallangan loyiha uchun 9 milliard so‘m mablag‘ yo‘naltirilgan.
Mazkur loyiha yo‘l harakati xavfsizligini oshirish, transport qatnovini qulaylashtirish hamda aholi uchun zamonaviy infratuzilmani yaratishda muhim ahamiyat kasb etadi.
Ta’mirlash ishlari davom etayotgan uchastkalarda haydovchilardan ehtiyotkorlik bilan harakatlanish va yo‘l harakati qoidalariga qat’iy amal qilish so‘raladi.
