Toshkent shahrida stol tennisi bo‘yicha U-15 yosh toifasidagi o‘smirlar va qizlar o‘rtasida O‘zbekiston chempionati bo‘lib o‘tdi.
Musobaqada Termiz Olimpiya va paralimpiya sport turlariga tayyorlash markazi sportchilari yuqori mahorat namoyish etib, faxrli o‘rinlarni qo‘lga kiritdi. Xususan, O‘ktamov Ramziddin chempionlikni qo‘lga kiritib, 1-o‘rin sohibiga aylandi. Imomaliyev Maqsadali esa muvaffaqiyatli ishtirok etib, 2-o‘rinni egalladi.
Yosh sportchilarning ushbu yutug‘i yurtimizda sportni rivojlantirish, iste’dodli yoshlarni qo‘llab-quvvatlash va xalqaro maydonlar uchun munosib zaxira sportchilarni tayyorlash borasidagi izchil ishlarning amaliy natijasidir.
