Jamiyatda qonun ustuvorligini ta’minlash, huquqbuzarliklarning oldini olish hamda fuqarolarni ijtimoiy hayotga muvaffaqiyatli qayta moslashtirish borasida profilaktik tadbirlar izchil davom ettirilmoqda.
Shu maqsadda probatsiya nazoratidagi shaxslar ishtirokida navbatdagi profilaktik uchrashuv o‘tkazildi. Unda ichki ishlar organlari mas’ul xodimlari tomonidan fuqarolarning huquqiy savodxonligini oshirish, bandligini ta’minlash, mavjud muammolarini o‘rganish va amaliy yordam ko‘rsatish masalalariga alohida e’tibor qaratildi.
Tadbir davomida qonunchilikdagi yangiliklar, huquq va majburiyatlar yuzasidan tushuntirishlar berilib, ishtirokchilarning murojaat hamda takliflari tinglandi. Bunday uchrashuvlar fuqarolarning huquqiy ongini yuksaltirish, ularning jamiyatga muvaffaqiyatli integratsiyasini ta’minlash va hududlarda barqaror kriminogen vaziyatni saqlashda muhim ahamiyat kasb etadi.
