Denov tumanidagi 74-umumta’lim maktabi qoshida tashkil etilgan yozgi sog‘lomlashtirish oromgohida 100 nafardan ziyod o‘quvchi yozgi ta’tilni mazmunli va maroqli o‘tkazayotir. Buning uchun zarur shart-sharoitlar yaratilgan. Bolalar uchun kun davomida nonushta va tushlik tashkil etilib, ularning sog‘lom dam olishi hamda bo‘sh vaqtini samarali o‘tkazishiga alohida e’tibor qaratilmoqda.
O‘g‘il-qizlar o‘z qiziqish va ishtiyoqidan kelib chib, sport musobaqalari, musiqa mashg‘ulotlari, fan to‘garaklari, intellektual o‘yinlar va turli ma’naviy-ma’rifiy tadbirlarda ishtirok etishmoqda. Shuningdek, maktab kutubxonasi hamda zamonaviy kompyuter xonalari ham o‘quvchilar xizmatiga shay holatda.
