Foydalanishdan chiqarib yuborilgan yer maydonlari yana qayta hayotga qaytmoqda. Oltinsoy tumanidagi “Minchinor” mahallasi hududida joylashgan 300 gektar yer maydonida zamonaviy intensiv bogʻ tashkil etish rejalashtirilgan.
Shu munosabat bilan tuman hokimi Otabek Mavlyanov mazkur hududda boʻlib, loyihani amalga oshirishga qiziqish bildirgan investor bilan uchrashdi va intensiv bogʻni barpo etish, zamonaviy sugʻorish texnologiyalarini joriy qilish, yuqori hosildor koʻchatlar ekish hamda yangi ish oʻrinlari yaratish masalalari muhokama qilindi. Masʼullarga loyihani belgilangan muddatlarda va sifatli amalga oshirish yuzasidan tegishli topshiriqlar berildi.
