Surxondaryo viloyati hokimi Ulug‘bek Qosimov Muzrabot tumanida qurilish va ta’mirlash ishlari, shuningdek, ilgari berilgan topshiriqlar ijrosini o‘rganish maqsadida hududga tashrif buyurdi.
Tashrif davomida “Fidoko”r mahallasida aholini sifatli ichimlik suvi bilan ta’minlash bo‘yicha “Start Invest Build” MCH amalga oshirayotgan loyiha bilan tanishildi. Loyihaga jami 5,19 milliard so‘m mablag‘ ajratilgan bo‘lib, u mahallada ichimlik suvi infratuzilmasini modernizatsiya qilish va uzluksiz ta’minotni ta’minlashga qaratilgan.
Viloyat hokimi ishlar sifatli va belgilangan muddatlarda yakunlanishini ta’kidladi, mas’ullarga tegishli ko‘rsatmalar berildi. Ushbu tashabbus aholining hayot sifatini oshirish va hudud infratuzilmasini rivojlantirishda muhim ahamiyatga ega.
