Termiz shahrida Surxondaryo (O‘zbekiston) va Shansi (Xitoy) o‘rtasidagi biznes-forum o‘tkazilib, hududlararo iqtisodiy hamkorlikni yangi bosqichga olib chiqish masalalari muhokama qilindi.
Tadbir avvalida viloyat hokimi Ulug‘bek Qosimov Xitoy delegatsiyasi bilan uchrashib, qo‘shma investitsiya loyihalarini yo‘lga qo‘yish istiqbollarini ko‘rib chiqdi. Forum davomida Surxondaryoning investitsiyaviy va eksport salohiyati taqdim etilib, amaliy muzokaralar olib borildi.
Yakunda tomonlar o‘zaro manfaatli hamkorlikni kengaytirish, yangi loyihalarni ishlab chiqish va amalga oshirish bo‘yicha muhim kelishuvlarga erishdi. Mazkur forum hududga xorijiy investitsiyalarni jalb etish va iqtisodiy rivojlanishni jadallashtirishda muhim ahamiyat kasb etadi.
