2026-yil 1-sentyabrdan san’atkorlar va ijodiy jamoalar har bir to‘y yoki tadbirda xizmat ko‘rsatganda “Soliq” mobil ilovasiga ma’lumot kiritishi va “bir xizmat – bir to‘lov” tamoyili asosida daromad solig‘ini to‘lashi taklif etilmoqda. Soliq miqdori ijrochi reytingi va tadbir joyiga qarab 0,25 dan 3 BHMgacha belgilanishi rejalashtirilgan.
2029-yil 1-yanvardan esa barcha to‘lovlar naqd pulsiz amalga oshiriladi, daromad solig‘i va ijtimoiy soliq avtomatik tarzda hisoblanadi, xarajatlarning 30 foizi hujjatsiz chegirib tashlanadi, ortiqcha xarajatlar uchun esa qo‘shimcha 10 foiz chegirma beriladi.
Qaror loyihasi bo‘yicha jamoatchilik muhokamasi 10 aprelga qadar davom etadi.
