Qumqo‘rg‘on tumani, “Azlarsoy” mahallasida “Abdurahim” MCHJ tomonidan asfaltbeton ishlab chiqarish korxonasi qurilmoqda. Mazkur loyiha hududda yo‘l qurilishi va ta’mirlash ishlarini jadallashtirish hamda infratuzilmani rivojlantirishda muhim ahamiyat kasb etadi.
Qiymati 7 milliard so‘mlik loyiha to‘liq ishga tushirilgach, korxona soatiga 120 tonna, yiliga esa 850 ming tonna asfaltbeton mahsuloti ishlab chiqarish quvvatiga ega bo‘ladi. Shuningdek, 20 ta yangi ish o‘rni yaratiladi.
Yangi korxona tumanda amalga oshirilayotgan bunyodkorlik ishlari uchun sifatli asfaltbeton mahsulotlari bilan barqaror ta’minlash, yo‘l infratuzilmasini yaxshilash hamda hudud iqtisodiy salohiyatini oshirishga xizmat qiladi.
