Prezidentimiz tashabbusi bilan boshlangan “Yashil makon” umummilliy loyihasi doirasida Muzrabot tumanida keng ko‘lamli ko‘kalamzorlashtirish ishlari olib borilmoqda.
Tuman hokimi Abdulla Mamatqulov boshchiligida asosiy avtomobil yo‘llari bo‘ylarida mevali va manzarali daraxt ko‘chatlari ekildi. Birgina bugunning o‘zida 2000 dan ortiq ko‘chat o‘tqazilib, maxsus texnikalar yordamida sug‘orish ishlari ham tashkil etildi.
Ushbu ishlar atrof-muhitni muhofaza qilish, ekologik barqarorlikni ta’minlash hamda tuman hududida yashil makonlarni kengaytirishga xizmat qilmoqda.
