Yo‘llarda harakat xavfsizligini ta’minlash eng muhim vazifalardan biri hisoblanadi. Shu maqsadda Boysun tumani yo‘llardan foydalanish korxonasi davlat muassasasi tomonidan qishki ob-havo sharoitida yo‘llarni soz holatda saqlash bo‘yicha keng ko‘lamli chora-tadbirlar amalga oshirildi.
Xususan, serqatnov avtomagistrallar, mahalliy va ichki yo‘llarda maxsus texnika vositalari yordamida qor tozalash ishlari olib borilib, muzlama hosil bo‘lishining oldini olish maqsadida tuz-qum aralashmasi sepildi. Bu esa haydovchilar va piyodalar uchun xavfsiz harakatlanish sharoitlarini yaratishga xizmat qilmoqda.
Ayni paytda ham mazkur yo‘nalishdagi ishlar izchil davom ettirilmoqda bo‘lib, yo‘llardan foydalanish korxonalari tomonidan barcha zarur kuch va texnik vositalar to‘liq safarbar qilingan. Ushbu sa’y-harakatlar yo‘l-transport hodisalarining oldini olish, aholi hayoti va salomatligini asrashda muhim ahamiyat kasb etmoqda.
